心內話講袂出喙 Words Unsaid by Huan Huan 緩緩

心 淡薄傷悲 sim tām-po̍h siong-pi
煞睏袂去 suah khùn-buē-khì
莫擱想遐邇濟有的沒的 mài koh siūnn hiah-nī tsē ū-ê-bô-ê
有緣沒緣 ū iân bô iân
四界怨天怨地 sì-kè uàn-thinn-uàn-tē

啉 一杯咖啡 lim tsi̍t-pue ka-pi
予人清醒 hōo lâng tshenn-tshínn
莫擱講遮邇濟有的沒的 mài koh kóng tsiah-nī tsē ū-ê-bô-ê
有緣沒緣 ū iân bô iân
愛就簡單做伙 ài tiō kán-tan tsuè-hué
聽你講話傷身體 thiann lí kóng-uē siong sin-thé

寂寞的滋味 siok-bo̍k ê tsu-bī
放伊隨風去 pàng i suî hong khì
無人真正了解我的心 bô lâng tsin-tsiànn liáu-kái guá ê sim
目屎流袂離 ba̍k-sái lâu-buē-lī
吼甲袂喘氣 kik kah pháinn-khuànn-bīn
好佳哉 是佇這个烏暗暝 hó-ka-tsài sī tī tsit-ê oo-àm-mî

心內話講袂出喙 sim-lāi-uē kóng buē tshut-tshuì
夢中的形影 bāng-tiong ê hîng-iánn
不時覕佇我的眠床邊 put-sî bih tī guá-ê bîn-tshn̂g-pinn
彼一句話 hit tsi̍t-kū uē
欲按怎講予你聽 beh án-tsuánn kóng hōo lí thiann

寄乎海湧的心聲 kià hōo hái-íng ê sim-siann
啥人日思夜夢 siánn-lâng ji̍t-su-iā-bāng
我的心情 guá-ê sim-tsiânn
何時會當予你知影 hô-sî ē-tàng hōo lí tsai-iánn

寂寞的滋味 siok-bo̍k ê tsu-bī
心內話講袂出喙 sim-lāi-uē kóng buē tshut-tshuì
寂寞的滋味 siok-bo̍k ê tsu-bī
心內話講袂出喙 sim-lāi-uē kóng buē tshut-tshuì

• Alternative
• Taiwan
• dreampop
• indie
• shoegaze
• Taiwan