Nhungo from Nhungo by Gwevedzi
Tracklist
| 1. | Nhungo | 2:42 |
Lyrics
VERSE 1
Ndochireva ini mbune munditendekere nzeve,musazoti zvanzi.
Pane nguva zvigere muhana,zvino wave mutoro handichazvivanzi.
Hatichina nguva ini ndine urombo,Ndopinde musango ndinozama rombo.
Rudo rwondisundisa matombo,zuva rinonyura ndiri kumagobo.
Kuzama kuredza madziva makuru,kusada kukukuzva mapuruvuru.
Zvonyadza vakaridza mhururu,sare nyamutambirwi misodzi chururu.
Matsiga andinongocharika,iko kushava zvokotondimanika.
Zambuko ndiwane kudarika,nhamo nenzara handidi kugarika.
Sandi dara kuswera musango,ndakavamba dumba ndinotsvaka nhungo.
Zvandaka zviteyera musungo,kuzvipa zvirango kutiza mutongo.
CHORUS
Ndoenda.....
Marimuka varume ndochisiya kuswera muberevere.
Remba.....
Ndichinzvenga mutsvairo ndakweva sanzu handichava pwere.(×2)
VERSE 2
Ranhasi ndiro randinoshandira ramangwana..
Handina mudzimu unopa kaviri mukana.
Chitandara chiye ndochifuratira zvakwana.
Ndoenda ndoenda risati ranyura ndirodze mapfumo.
Zviuya zviuya zviriyo mberiyo ndotinhira kuno.
Ndonatsa zvofadza uya unorinda dumba kumagumo.
Handichina nguva varume ndoenda.
Sandi dara kuswera musango ndakavamba dumba ndinotsvaka nhungo.
Zvandakazviteyera musungo kuzvipa zvirango kutiza mutongo.
CHORUS
Ndoenda.....
marimuka varume ndochisiya kuswera muberevere.
Remba....
Ndichinzvenga mutsvairo ndakweva sanzu handichava pwere.(×2)
VERSE 3
Kanya kanya ndikanyaire tsoka ndisenge ndivarire.
Nzira dzevamwe ndisatsvaire hah hah hah.
Ndivande nhamo nenungo ungatsva musasa.
Marasha bedzi kusara.
Nditore rukukwe handidi kuva wechakakata.
Rugare ndiwane kuvata.
Ndisiye shomwe ndivewo mudyi wechakata.
Mugumo mukombe wozara.
Haichazoveko inofurira yakavata.
Mafuro inodya ndeyatanga.
