Lontan from Gotes by Alvise Nodale

Lant pal mont, vistît di foes
corint pal cîl, spoât di nue

lassant da bande
pinsîrs e peraules che ti strengin il cûr
cuant che dut ce ch’al reste
‘l è fâ un pas indeûr.

Par passâ enfre da int, come un cjant mai sintût
par sierâ chel balcon, che nissun ti à vedût

par poâ da bande
chei tiei vôi che mai stracs a crichin cul dì
cuant che dut ce ch'al reste
‘l è tal peis di un suspîr.

Tra l'infinît di un moment
e la pâs di un torment
tu vâs
a cirî un tic di voi
tal passâ di un doman
lontan

par lassâ da bande
la tampieste in chê gote che tu ti puartes daprûf
cuant che dut ce ch'al reste
tu lu âs vosât ‘tun sunsûr.

// Traduzione // LONTANO //
Andando per il mondo, vestito di foglie / correndo sul cielo, spoglio di nulla //
lasciando da parte / pensieri e parole che ti stringono il cuore / quando tutto quel che resta / è fare un passo all'indietro. //
Per passare tra la gente, come un canto mai sentito / per chiudere quella finestra, che nessuno ti ha visto //
per porre da parte / quei tuoi occhi che mai stanchi albeggiano sul fare
del giorno / quando tutto quel che resta / è nel peso di un sospiro. //
Tra l'infinito di un momento / e la pace di un tormento / te ne vai / a cercare un po' di oggi / nel passare di un domani / lontano //
per lasciare da parte / la tempesta nella goccia che ti porti appresso / quando tutto quel che resta / l'hai urlato in un sussurro. //

• Acoustic
• DreamFolk
• Songwriting
• Sutrio